La Bacharia Val Müstair sporscha mazzer, elavuraziun e raffinaziun pels producents da charn da la Val Müstair. Specielaitads co puopla, liongia da chasa, e paquets masdats pel marchà direct vegnan elavurats quia. Illa stagiun da chatscha vegn tut incunter la sulvaschine dal chatschaders regiunals.
La Bacharia Val Müstair chi vegn tut a fit da la Bacharia Tschenett GmbH, elavura tuot la charn dals paurs chi fan marchà direct in Val Müstair. Il mazzar la bes-cha in cumün maina cuorts viadis da transport e po capittar in ün contuorn calm. In Settepber, cur cha'ls paurs nun han ingün muvel da mazs, pon ils chatschaders laschar elavurar lur sulvaschina illas localitads e cun quai far meglder adöver da la Bacharia Val Müstair.
Minch'on vegnan coppads e marchantads var 360 bes-chas dals paurs cun marchà direct. Las capacitads d'elavuraziun per üna quantità ün pa pü gronda sun avant man, cun quai cha la dumonda da charn dals gastronoms pudess gnir satisfichada.
Il nouv manaschi per l'elavuraziun da charn spordscha process da lavur optimads ed üna fich buna garanzia da qualità. Possesur da bacharia es la società Bacharia Val Müstair. Fittandin da la Bacharia es la Bacharia Tschenett GmbH. Dasper il manader Lorenz Tschenett, lavuran duos fin trais persunas aint illa bacharia.
Contact pudais tour sü culla Bacharia Tschenett GmbH suot:
lorenz.tatjanatschenett@gmx.ch
Tel Lorenz Tschenett: 0041 79 835 64 56
Tel Tatjana Tschenett 0041 76 329 21 88