L' Agricultura Val Müstair consista da 34 paurs e duos Instituziuns ed es la portadra dal proget pel svilup regiunal. Böt da la gruppa da proget esa, da sviluppar inavant la Biosfera Val Müstair, cun quai chi vegnan meglioradas structuras d'elavuraziun e marchà.
Cul fabricat nouv cumünnal da la Chascharia Val Müstair e da la bacharia cun elavuraziun da charn e surplü la modernisaziun dal center da ramassamaint da gran resta üna gronda part da la creaziun da valur aint illa Val. Tras quistas investiziuns po il savair important restar e plazzas da lavur attractivas pon gnir creadas. L'elavuraziun locala e la commerzialisaziun da prodots regiunals vegnan bun a tuot la Val Müstair- eir co regiun da turissem.
L'agricultura Val Müstair ScRL es la portadra dal proget general pel svilup regiunal. El consista da duos commembers collectivs (il parc da natüra Biosfera Val Müstair e la società da chatschaders Turettas - ed ils 27 paurs our da las seguaintas fracziuns: 14 da Müstair, 4 da Sta. Maria, 2 da Tschierv, 2 da Lü, 3 da Fuldera e 2 da Valchava.
La suprastanza da l'agricultura Val Müstair ScRL sun ils trais manaders dals progets- Rico Lamprecht (charn), Jon Jachen Flura (gran) e Gian Bott (lat)
Rico Lamprecht es commember da fundaziun e president da l'Agricultura Val Müstair ScRL. Insembel cun seis figl Reto maina el üna pauraria co cumünanza da generaziun cun agroturissem, vachas da mamman da bio, marchà direct e s'ingascha surplü co grond cussagl e president cumünal. www.pütschaijosom.ch
Jon Jachen Flura es commember da fundaziun da l'Agricultura Val Müstair ScRL e producent da chomps daspö lung temp in Val Müstair. Pro'l fabricher sü dal prüm center da ramassamaint da gran es el stat pro e hà mainà quella 5 ons. El maina ün affar da commerzi e servezzens agriculs , ingiò ch'el lavura svess co paur e coordinescha il ramassamaint da gran in Val Müstair. flura-agrar.ch
Gian Bott es ün commember da fundaziun da l'Agricultura Val Müstair ScRL, president da l'associaziun Chascharia Val Müstair e commember da la suprastanza da la società agricula regiunala. Insembel cun sia famiglia cultivescha el üna pauraria da vachas da lat a Valchava. Co eir blers oters commembers e'l Gian part da tuottas trais parts da l'Agricultura. Co paur da lat, paur da gran e pro l'utilisaziun da charn regiunala bilogica.